Eyandjaganeko lyolusheno lwaayehe momidhingoloko dhokuushayi moshilongo, otadhi pondola ashike uuna aaniipambuliko ayehe taya longele kumwe.
Shika osha popiwa kominsta yoomina niikwankondo Tom Alweendo, tati uuministeli woomina niikwankondo owa longitha oshimaliwa shoo milliona N$54 dhoku endeleleka iilonga ye yandjaganeko lyolusheno komidhingoloko dhokuushayi momuvo shimwaliwa 2019/2020.
“Uuministeli woomina niikwankondo owa andjaganeka olusheno miikondo yepangelo 39 ngaashi oombelewa dhiikandjo-hogololo, ooskola niikodo yuundjolowele, pethimbo lya faathana, omagumbo 50 nomahala gomangeshefelo geli 13 oga mona omawuwanawa golusheno, tagwedhapo woo kutya oshimaliwa shoo milliona N$139 osha thanekelwa eyandjaganeko lyolusheno komidhingoloko dhokushayi momuvo shimaliwa go 2020/2021,’’ Alweendo tati.
Ndhika minister okwedhi popi pethimbo lyeegululo pambelewa lyo poloyeka yolusheno kOmakange Rural Growth Centre ko Ruacana moshitopolwa sha Kunene etitano lyoshiwike twazi.
Tagwedhapo kutya, ehangano lyo NamPower niikondo ayihe yoku andjaganeka olusheno ngaashi Nored, Cenored nErongored nayo ohayi longo moopoloyeka dhe andjaganeko lyolusheno komidhingoloko dhomikunda.
Alweendo okwiindile aaniipambuliko ayehe meyandjaganeko lyomalusheno yalongele kumwe opo oopoloyeka dholusheno dhihume komeho nawa.
Okwa pandula aaniipambu liko ayehe, mboka ya longele kumwe nokweenditha nawa eetapo lyOmakange Electrification Project, okwa pula woo oonaku mona omauwanawa ayehe ya gamenenepo noku tonatela omutungilo ngoka.
Ehangano lyo Nampower olya pungula oomilliona N$21 mokondalaka yOmakange Electrification Project, ndjoka ya longwa kehangano lyo Power Electrical Construction.
