Konyala aantu 12 mboka ya thigwa pomutenya koshiponga shomulilo komudhingoloko gomalukalwa goAmerica modolopa ya Helao Nafidi kOshikango moshitopolwa Ohangwena, otaya pula omayambidhidho moshigwana.
Eagle FM etine oya talelepo ongundu yaagundjuka, mboka ya pula aasamaria aanamutima henda yeya kwathele moshinima shika.
“Otatu pumbwa mayambidhidho gakehe, okuza kiikulya, iizalomwa niikumbatha molwaashoka oombashu dhetu odha pyapo thilu otwa hupupo ashike niizalomwa mbyoka tuna komalutu, oshikwawo otenda ndjoka twapewa otuli mumwe aamati naakadhona,” oonaku konga omakwatho taati.
Mayola godoolapa Eliaser Nghipangelwa okwati, oya mona omayambidhidho okuza ko regional council, oombete 2 dhazi komunangeshefa gomodoolopa, omakumbadha nomatalashe okuza kaanangeshefa yaaChina.
Okwati oshiketha shuumayoral shomodolopa inashi zimininwa natango, oku tala komakwatho ngoka haga pumbiwa okuza melelo lyodolopa.
Oshiketha Vatela Oshiwana Foundation osha gandja iikwathitha yiizalowa kaakalimo mboka.
Nopethimbo wo ndyoka opwa gandjwa koshiketha osho tuushoka omakwatho giizalomwa komusamane Eddy Shoopala Peelo, ngoka ena uupyakadhi womulilo tagu fikepo egumbo lyawo nohagu monika kokanona kokakadhona kena omivo 12.
Omusamane Peelo omukalimo gokomukunda Okambebe, moshikandjo hogololo Ongenga moshitopolwa Ohangwena, ngoka ahokolola nkene taya mono iihuna kiiponga yomulilo yaaheshi mpoka taguzi, molwaashoka lotango ogwa monika kokanona kawo okakadhona hoka kaadha ondjato yako yomambo ya tema, tayi kuthwamo mondjugo etayi dhimwa, lwanima iiponga yomulilo oya kala tayi fike egumbo, lwahgunina oya fikepo ongulu ndjoka yahupamo.
“Lwahugunina twamona omulilo ngoka ogwa fikapo ongulu moka mwali muna iinima yetu ayihe mwakwatelwa omikanda dhuukwashigwana. otwa mono omushangelo gwa tentekwa okapalwa nopena, omushangelo ngoka otaguti ogwashagwa komukalimo gomomukunda gwetu, ashike edhina itevulu okuli tumbula, okwati oye tetu longele omuyonena ngoka, otwali tiithana aashiinda, mwene gomukunda nomusita gongalo gwetu opo yaleshe ombaapila ndjoka,” Peelo tati.
Okwa tsikele tati, okwali ena omumwayina omulumentu ngoka ali hakutha iinima yaantu, noyali yuuva kutya okwali aguma iinima yanaku shanga omukanda ngoka, Peelo tagwedhapo kutya omumwayina okwa huluko omuvo gwaziko konima sho apumwa kosheenditho, notaya fekele napamwe oteshiningi molwa ondjahi.
“Ngame negumbo lyandje otwa pumbwa omakwatho, unene gomukulukadhi gwandje nuuno giizalomwa, ashike otuna woo uumbanda pamwe nayo iizalomwa otayi pipo natango, oshinima oshinene twapumbwa omagalikano okuza kaa kwambepo, opo omulilo nguka gudhime thilu, otuli muudhigu uunene wuvule oonkondo dhetu,” omusamane Peelo tati.
