You have news tips, feel free to contact us via email editor@thevillager.com.na

Opolisi kOmusati oyiilongekidha oku lwitha iimbuluma


Komanda gopolisi yokoshitopolwa Omusati, Commissioner Titus Shikongo, etitatu okwayi moonkundathana no Eagle FM, nkene aakwashigwana taya gwanithapo omilandu noompango, noku tala nkene oshitopolwa shili tashiihumbata, shalandula ketulepo lyekondololo lyo mayinyengo goshigwana moshilongo ashihe kongulohi.
Oshilongo osha kalekwa ko State 3 konima sho omutse goshilongo omupelesitende Hage Geingob, etitano lyaziko ati kutya omayinyengo otaga kondololwa okuza potundi 20h00 kongulohi sigo otundi 05h00 koongulasha uule womasiku 14.
Commsissioner Shikongo okwati aakalimo yooshitopolwa pethimbo lyo Stage 3, oyaadhika nale yamona omapukululo longo, kombinga yoku yanda etandelo lyombuto yo Covid-19.
“Aakwashigwana moshitopolwa omayinyengo gawo kongulohi ogaadhika nale gashuna pevi, molwa elongo ndyoka ya kala taya mono okuza kopolisi, no nande tuna aakwashigwana mboka tayati oshinima shika inaayeshi uva natango, notaya kambadhala ngaa okwiiyutha komilandu,” Shikongo tati.
Okwati oshitopolwa iiwike yapiti omwali mwa lopotwa iiningwanima yi nyanyaleka, ashike ngaashi ngeyi oshitopolwa iimbuluma oya shuna pevi, noyiitaala kutya eshuno pevi lyiimbuluma, olye yapo molwashoka oondingosho noondunda dhomanwino ohadhi pata kuyele ngaashi ngeyi.
“Onkene tuna uupyakadhi woma endathano pokati kaaNamibia naakwashigwana yAngola mboka yeli koongamba, yamwe otayeya moshilongo shaaheli pauyuuki, kwa konekiwa taya pitile piiyelo mpoka pwaahena ekondololo lyopolisi, notatu londodha eendathano lihulithwepo, oshoka oongamba dhetu onkene dhapata,’’. Commissioner Shikongo ta tsikile.
Komanda gopolisi kOmusati okwa gwedhapo kutya etanga lyopolisi pethimbo taku kondjithwa coronavirus, olya palamenwa komashongo gokwaahena iikwathitho yokwiigamena uuna taya unga unga noonkwatwa nenge naafekelwa.
“Otatu pandula epangelo lyoshilongo, komakwatho ngoka tali gandja, notatu kwashili paleke kutya iiyakulitho mbyoka tuna ngaashi omayala nomiti dhoku dhipaga oombahiteli otweyi kwata nawa,” Shikongo tati.

Wonder Guchu

Related Posts

Read Also ... x