Omulongwa ngoka ha hiti ootundi poskola Mupewa Combined eli mondondo 11 nokwali mekwatathano nomunuuvu go Covid-19 ina monika oshivu shika.
Otaku hokololwa omulongwa nguka iiwike yapiti, konima sho uuvu onkundana kutya okwali mekwatathano nomuntu amonika coronavirus, lwanima okwa longo iikumitha longa sho ahiile omayeye kiitaafula mongulusikola yawo.
Shika osha kolekwa komukuluntusikola Steven Nelumbu, ngoka ati omulongwa okweeta iizemo ye koskola, ndjoka tayi adhika mOshikuku moshitopolwa Omusati.
Omukuluntusikola okwati “omulongwa ngoka iizemo ye okweyi mono omaandaha goshiwike shaziko, noyazimo yili nawa, ina monika oshivu oshipe sho corona. Okweya niizemo yili mombapila yaza ko Namibia Institute of Pathology – NIP tayuulike eli nawa,” Nelumbu tati.
Omukuluntusikola Nelumbu, okwa gwedhapo kutya aalongwa ayehe mboka yali ya tuminwa komagumbo sha landula koshikuungu shoku hiya omayeye mongulusikola, oya tameka nootundi niinyangadhalwa yelongo otayi tsikile ngaashi shito.
Omusamane Nelumbu okwati, nonande omulongwa ngoka ina monika Covid-19, okwa tegelelwa aye koshigongi shoma pulaapulo koskola etine lyoshiwike shika. Okwa tothamo wo kutya omuvu ngoka aya mekwatathano nomulongwa okwaaluka ngaashi ngeyi nokwa lalekwa nokuli kegumbo.
Omulongwa okwa gandja ehokololo lye kutya okwali taya nu ombiila yimwe naye pethimbo yali yekeendamo.
