Kwafela Oshiwana Foundation oya gandja pambelwa iikulya yolweetho olutiyali etine, mbyoka tayi tuminwa koshitopolwa sha Erongo.
Egandjo lyiikulyo ndika olya ningilwa pomatungilo goNashitoke mOndangwa moshitopolwa Oshana.
Iinima mbyoka ya longekidhwa okuya koshitopolwa Erongo ongaashi iizalomwa 887, omapando goongaku 52, omboga uunayilona 101, Omakunde uunayilona 185, oontanga dhamukokotwa uunayilona 27, noonyandi, uusila omahangu uushako woo 5kg wuli 295 omanga uushako woo 10kg owuli.
Omunani goshiketha shike Tatekulu George yaNelulu nokuli omunshipundi gwelelo lyomuthigululwakalo gUukwanyama, oshipopiwa she pethimbo lyoshiindingili, osha gandjwa pehala lye komusamane Joseph Kamati elenga lyUukwanyama.
Elenga Kamati olyati, olundji ngele tapuya oshinima oshiwaanawa, yamwe ohaya kambadhala okushi hanagulapo.
“Osheetwapo sha Vatela Oshiwana nomalalakano gasho ogoshigwana, ka geshi go papolitika nenge gomuhoko gontumba, ya kuleni nawa oshigwana, ngaashi mweshi popi kutya ehangano lyeni olya thikapo komalelo gomithigululwakalo, tseyeni wo kutya omalelo gomithigululwakalo ihaga longele kumwe nopolitika,’’ Kamati tati.
Omusamane Kamati okwa pula mboka ya holoka poshiindingili, kutya naya thikithe etumwalaka moshigwana, ku kotokelwe mboka yena omadhilaadhilo taga lalakanene oku hengumunapo omalalakano gehangano ndyoka, okweya kumike wo kutya ehangano ndyoka kalililepo ashike omakwatho gokoshitopolwa sha Erongo, lyo nali kalelele.
Elenga enene lyomuthigululwakalo gwOmbadja Tatekulu Mathias Walaula naye okwa penduka ongula yoontundumene, opo akale ihoontaali pegandjo lyikulya mbyoka.
Tatekulu Walaula okwi indile aakwashigwana ayehe moshilongo ya longe neyitulemo noku shunithako ondjala, shivule oku kala taya tegelele iikulya okuza kepangelo nenge kaashiinda.
“Epangelo lyoshilongo olina iipambu yomavi, olina uuministeli wuunamapya nuunayimuna, nolya pumbwa omavi galongwe, otwa pumbwa oku tula omaako kumwe nokwiihomateka twapama miilonga yiikulya moshilongo tukandulepo ondjala moshilongo,” Tatekulu Walaula tati.
Okwiindile wo epangelo lyeetepo omukalo goku gongela omeya moshilongo, oku fula oondama dhomeya ndhoka tadhi gongele omeya gomvula ngoka tagazi miishana noku goopaleka gavule oku longithwa.
Omukokoli gopoloyeka ndjoka Coronelius Paulus, okwati oya pendula kwaayehe mboka ye yapa omakwatho, nokwiindile mboka tayaka gandja monakuyiwa ya gandje nomitima dhayela.
“Iikwatha mbyoka ohatuyi tumu kombelewa ya ngoloneya goshitopolwa Erongo, ngoka taka gandja kwaamboka yena iinaku gwanithwa noyeshi nawa oshitopolwa shawo mpoka pwa pumbwa omakwatho,” Paulus tati.
