Okwa lopotwa aanona yaali ayehe yomivo 7 yasi omeya, taku kohololwa ya gwile medhiya nokusa omeya komukunda Okapuku, moshikandjohogololo shaElim moshitopolwa Omusati etitano lyomasiku 25 September 2020.
Shika osha kolekwa ku komanda gopolisi koshitopolwa Omusati Commissioner Titus Shikongo, ko Eagle FM omaandaha tati oshingwanima osha holoka etitano lopotundi 16h00.
Komanda Shikongo okwati omalutu gaanona oga tongololwa oyo Andreas Bernard na Grugord Mandume ayehe aakalimo yomokunda Okapuku.
“Uumatya utatu waza momagumbo ga yooloka, owa fala oongombe pedhiya dhikanwe, kamwe komaanona konima sho kimono oshiningwanima shoka, oka matukile kegumbo noku tseyithila aavali mboka sho ya thikipo oyiitsu ashike komalutu gaanona geli momeya,” Shikongo tati.
Shikongo okwa holola kutya osheetithi shuunona wugwile momeya onkene tashi konaakonwa, omalutu goonakusa oga kalekwa manga mokila yoshipangelo mOshikuku, lwanima ga falwe kokila yopolisi kOkahao hoka taga kaningilwa omakonaakono.
Aavali oyiindilwa ya longe aanona yawo oshiponga kombinga yomeya, nankene wo geli oshiponga koomwenyo dhawo.
“Aavali naya hulithepo oku tuma aanona komahala gomeya gaandjuka kaayeli naatonateli, oshoka iiningwanima mbyoka oyiindjipala moshitopolwa,” Shikongo tati.
