You have news tips, feel free to contact us via email editor@thevillager.com.na

Aakwashigwana naya kalekepo omilandu – Ndeitunga

Omukuluntu gopolisi yoshilongo General Sebastian Ndeitunga, okwati pethimbo oshilongo shili mo Stage 3 moka muna okangendjo kuusiku, oya koneke puna aakwashigwana yamwe taya tsikile okuya pondje omilandu.
General Ndetunga shika okweshi popi omaandaha pethimbo ta kuthileko Eagle FM, tati aakwashigwana yamwe onkene taya yono omilandu ndhoka dha tulwapo pethimbo taku kondjithwa oshivu oshipe sho coronavirus.
“Aakwashigwana yamwe oyena ontseyo yethimbo lyokangendjo kuusiku, ashike ngaashi mboka taya landitha iikolitha, oha twaadha yiipatela moondunda dhomalovu, naaluhe ngele aantu yamwe yanumo miikolitha ohaya tukula omanganga nomalugodhi, otwa koneke wo yamwe otaya nu mekende nenge mehalasa limwe nenge yili mumwe kapuna oshinano pokati komuntu nomuntu, shoka tashi eta omalimbililo ketaandelo lyo coronavirus,’’ Ndetunga tati.
Okwa gwedhapo kutya oshigwana nashi kambadhale oku kwathela mekondjitho lyoCovid-19 oshowo miimbuluma,tati iimbuluma oya shuna pevi oku yeleka nomuvo gwaziko pethimbo lyafaathana okuza muJanuary sigo omwedhi gwapiti nuumvo.
“Iimbuluma moshilongo natango omuna ombinga dhimwe yiigalala, ngaashi omakwato koonkondo mwakwatelwa guunona, ominyeko kwahomatiwa, omateyo gomangumbo ongindjipala ngaashi moshilando pangelo nokiitopolwa yokonooli niiponga yomoondjila,” General Ndeitunga ta tsikile.
Ndeitunga okwa londodha aakwashigwana yiiyageke kuya moshipala iilonga yopolisi, okwa londodha wo aanambelewa yopolisi yalonge iilonga yawo pauyuuki, oku longitha omukalo gomondjila uuna taya yamukula kiimbuluma, aakwashigwaba mboka taayi pondje yomilandu, okwati opolisi nayi gandje iifuta mbyoka yilipo nenge yamangwepo nomufekelwa moshinima ye aholoke mompangu.
“Omunambelewa gopolisi ina pitikwa okuya mumwe nomukwashigwana, ongele ashike tiigamene ngele aponokelwa komukwashigwana, ngaashi opuna aakwashigwana yamwe haya kambadhala oku dhenga aapolisi, nohaya kala yena iilwitho ngaashi omakende noshotu, ashike omunambelewa otiigamene ngaashi shili pamilandu,”
Okwa tsikile tati omunambelewa gopolisi ngele okwa tulilwamo oshipotha oha puninga omakonaakono moshipotha, nokwati sigo ompaka oyena aanambelewa yopolisi yeli 116 ya tulilwamo iipotha, 56 oya kanitha iilonga yawo omanga iipotha 41 oyili koompangu ya tulilwamo aapolisi.
“Omupolisi ngele okwa tulilwamo oshipotha ohapu ninga omakonaakono, aanambelewa yamwe pethimbo lyomakonaakono ohaa tulwa pevi itaa mono ondjambi dhawo, ashike iipotha yimwe oyomalundilo nomunambelwa ngoka uuna atulwa pevi, ohiiyadha akanitha iiyemo nomaliko ge, naanona ye ohaya zimo mooskola pethimbo taku ninga omakonaakono molwashoka ke iiyemo yasha, Aakwashigwana nayakale aluhe yena uumbangi wayela mboka tawu vulu oku tamanekitha aapolisi oshoka aapolisi nayo aantu ngashi mukwashigwana,” Ndetunga tati.

Julia Heita

Related Posts

Read Also ... x