Oka lopotwa omukalimo gokomukunda Ondhigilila moshikandja-hololo Omuntele moshitopolwa Oshikoto, Timoteus Shivute gomivo 43 atulwa miipandeko, ta tamanekelwa ekwato nkonga lyokanona okakadhona komivo 14 nokwekapa eteegelelo.
Shika osha kolekwa ko Eagle FM nena ku komanda gopolisi moshitopolwa Oshikoto, Commissioner Armas Shivute, tati oshipotha shika osha opotwa etiyali oshiwike shika, naku ningwa oshihakanwa, omulongwa gomondondo 4.
Omukonaakoni goshipotha okwati shika, okwati he yokanona okwa kala nokuya nako miihulo iikando oyindji pokati komwedhi May na June nuumvo.
Omufekelwa okwa holoka ohela mompangu ya mangestalata gwOndangwa komeho ga mangestalata Ilge Rheent 26 October 2020.
Shika oshikando oshitiyali oshitopolwa Oshikoto taku lopotwa oshipotha sholudhi nduka meni lyethimbo ehupi.
Omwedhi gwaziko omulumentu gomivo 43 omukalimo gokomudhingoloko goshifukwa moshitopolwa Oshikoto, okwa tulwa miipandeko ta tamanekelwa ekwato nkonga lyokanona ke okakadhona komivo 17 etekape eteegelelo.
Ta tamanekelwa ekwato nkonga lyomwana
