Elelelo lyodolopa Oshakati moshitopolwa Oshana, olyati olya taalela omashongo goonzo inaadhi gwana oku gandja omayakulo kaa kalimo, ngaashi olusheno nomitungilo dhilwe.
Eagle FM oya popi nomunambelewa ta kwathele peha lyomunambelewa omukuluntu melelo Kornelius Kapolo, ngoka tati odolopa otayi koko oshowo omwaalu gwaakalimo otagu koko ethimbo nethimbo, oshowo elelo otali pumbwa oku gandja omayakulo kaa kalimo.
Elelo lyodolopa ya Oshakati olina omathaneko goku andjaganeka olusheno kaa kalimo ayehe, ashike olina ompumbwe yoshimaliwa shoo milliona N$150 oku andjaganeka ehwata lyolusheno modoolopa ayihe. Kapolo okwati omashongo galwe ga palamena elelo lyodolopa yawo, oshikumungu sho Covid-19 shoka tashi imbi etulo miilonga pethimbo lyoopoloyeka ndhoka dha nuninwa omayakulo gaakalimo.
“Odolopa yetu otayi koko esiku nesiku, noshowo ompumbwe yomayakulo taga pumbiwa koshigwana, nelelo otali kwashili paleke kutya otwa gandja omayakulo ngaka kaantu yetu,” Kapolo tati.
