Onkalo yevi mOkahandja itayi popilwa mutumba

Petrus Kampaku, okwa popi no Eagle FM etitano tati oshikumungu shomahala kOkahandja moshitopolwa shOtjozondjupa, itashi popilwa mutumba.
Kampaku okwa longa pamwe nookansela heyali mboka ya tidhwa miilonga omathimbo gapiti.
Okwati onkalo yomodolopa Okahandja itayi vulu okwiidhidhimikilwa, oshoka okuna uupyakadhi womeya haga pata uule womasiku aantu taakala menota, tati omathimbo gamwe iiyagaya ohayi kala ashike yili mokati koshigwana.
Okwati aantu oya hala iipambu yevi aashike oonkansela yamwe ohayati ashike omavi oga pata manga itaga gandjwa, ookansela yamwe oya kala taya lungu taya itapula.
“Osigo uunake oshigwana tashikala tashi mono iihuna, tse katushi aanaplitika, ookansela ya heyali mboka ya tidhwa miilonga oyeeta uupyakadhi melelo lyodolopa yOkahandja,” Kampaku tati.
Kampaku tati mOkahandja okweyamo nale omivo dhaka dhilongela, ashike okwa koneke oongundu dhoopolitika ihadhi longele kumwe nawa, unene ngele tashiya piikumungu yevi.
Okwa dhenge omuthindo melongelo kumwe lyaakwashigwana niikondo yimwe nomahangano gopapolitika tati olya pumbiwa, tati wo iinima yoondumbo nuukwamuhoko nayi ikalekelwe, ko ku talike konkalo yoshigwana, oompumbwe nomayakulo.
Okwa yelitha kutya odoloopa yOkahandja, oyili pondingandiga yoshilongo, naa nangeshefa oya taalelwa kuupyakadhi okweetamo ehumo komeho omolwa iikumungu yimwe mbyoka yili modoolopa.
“Ominista yomayambulepo goodolopa Dr Peya Mushelenga okwetu thiga mombuga, tse aakalimo yomOkahandja otwa pumbwa ekwatho monkalo ndjika, Kampaku tati.