Elelo lyodolopa yOngwediva opamwe nehangano lyokwaandjaganeka olusheno kiitopolwa yokonooli lyo Nored oya tamekitha iilonga yoku andjaganeka olusheno komudhingoloko gwEfidi Lomulunga Ext 4 etitano.
Omudhingoloko gwEfidi Lomulunga, ehala lya tseyika nawa Oshiko.
Pethimbo lyoshiindingili shetamekitho lyiilonga mbyoka CEO gwo NORED omusamane Fillemon Nakashole kwati shika osheetwapo oku kwashili paleka kutya aantu yawo oya mona omayakulo ga kwalukehe.
“konima yemanguluko, epangelo lya Nambia olyeetapo omikalo ndhoka tadhi gwandja omayakulo kaantu. Iikondo yepangelo noyo paumwene oya totwapo noya pewa oshinaku gwanithwa shoku gandja omayakulo gashewa koohandimwe nokomidhiingoloko,”Nakashole tati.
Tati ehangano lyo NORED nelelo lyodolopa ya Ongwediva oyo yimwe yomiikondo mbyoka yeetwapo kepangelo nomalalakano gomayambulepo oku gandja omayakulo kaa kalimo momidhingoloko dhawo.
Okwa gwedhapo kutya mo 2015, ewiliko lyo NORED olya zimine oshimaliwa shomilliona N$10 shomu tegenekwa thaneko goshimaliwa gokomuvo ngoka, shoka sha nuninwa oopoloyeka dhe andjaganeko lyolusheno mwakwatelwa oshitopolwa sha Oshana.
Nakashole okwa dhenge omuthindo kelongelo kumwe pokati kaaniipambuliko molopoyeka ndjika, mokweetapo oshimaliwa shomutungilo gopoloyeka yolusheno: Efidi Lomulunga Electrification Project.
Okwa holola woo omalimbililo molwa eyindjipalo lyuufuthi woongodhi dhomalusheno dho copper kiitayi yawo yomalusheno, tati uufuthi woondhalate dho copper otashi eta ekanitho enene miiyemo yo NORED.
“Uufuthi woongodhi dholusheno owanika oshiponga tashivulu oku ehameka nenge oku dhipaga mboka taayaka oongodhi dhomalusheno, oshanika woo oshiponga koomwenyo dhoshigwana. Natango otashi dhigupaleke iilonga yegandjo lyomayakulo notwa pumbwa elongelo kumwe kaanipambuliko ayehe oku kondjitha iiningwanima yuufuthi woongodhi dholusheno mo midhiingoloko dhetu,” CEO go NORED Nakashole tati.
Pethimbo lyoshituthi she tamekitho lyiilonga mbyoka, mayola godolola ya Ongwediva Angelina Angula okwati opoloyeka ndjika oyili momathaneko geyambulepo dodolopa.
“Ehangano lyo NORED molopoloyeka ndjika olya gandja oshimaliwa shoo milliona N$2, omanga elelo lyo dolopa yOngwediva olya tulapo oshimaliwa shoo milliona N$3.5 ku kwashilipalekwe kutya omudhingoloko gwEfidi Extension 4 oya mona olusheno,” Mayola godoolopa Ongwediva Angula tati.
Okwa gwedhapo woo kutya omathaneko gomudhingoloko gwEfidi Ext. 2,3,4 no 5 okweeta omahala ngoka pankatu yo dolopa oga manithwa, noya tegelele keziminino okuza kiikondo yilwe.
Omudhingoloko gwEfidi Lomulunga tali mono olusheno
