Rusia Nashikoto Hamukanda okwa hulitha oshiwike shaziko muukulupe womutoko, nokuli gumwe goomakokele yomuhoko gwaayelele mboka yeli komudhingoloko gwOmundaungilo moshitopolwa shOhangwena.
Eagle FM etitatu oyayi moonkundathana na Puleinge Tomas ngoka eli omukwateli komeho gomayambulepo gaantu yomuhoko gwaayelele mombelewa yomupevi president moshitopolwa shOhangwena, ngoka etu kuthileko kondjokonona yanakusa Hamukanda.
Okwa kundanekwa woo kutya ngoka ali nale ngoloneya goshitopolwa shOhangwena omusamane Usko Nghaamwa okwa gandja ongombe yikwathele pethimbo lyoosa dhomukokele Hamukanda.
Tomas okwati otaya longele kumwe nombelwa ya kansela goshikandjo-hogololo shOmundaungilo oshowo ombelewa yangoloneya goshitopolwa, oombelewa ndhopaali odha gandja omayambidhidho giikulya.
“Omukulupe Nashikoto omukulupe gongushu, notapewa esimaneko ndyoka iilongela, molwashoka omukiintu eshiwike apehe nokuna okulilwa pamukalo gwesimaneko ndyoka iilongela,Tomas tati.”
Okwati olukalwa lwanakusa Hamukanda ota lwaadhika pomudhingoloko gwOmundaungilo mpoka epangelo lya dhengelapo oondunda dhiipeleki dhili 28 dhanuninwa aantu yomuhoko gwaaSan mboka yakala momudhingoloko ngoka, opo woo pwayungwa oosa dhomukulupe Hamukanda.
Tomas okwa gwedhapo kutya epangelo oku pitila mombelewa ya Vice president olina opolohalama yomakwatho gomafumbiko gaantu mboka, na nakusa Rusia otapewa efumbiko ngaashi naana shina oku kala sha longekidhwa.
Etine oshituthi shedhimbuluko lya nakusa Hamukanda, omanga etitati oshituthi fumbiko, mpoka kwategelelwa pukale aantu yoondondo dha yooloka. Omupevi presidende Nangolo Mbumba okwali ateegelelwa ashike itawapa oku holoka omolwa iinaku gwanithwa yilwe, ota kalelwapo ku mupevi minista Royal /Ui/o/oo ngoka eli omukalipo gwaadhinwantu moshilongo.
Okwati omukokele nguka talilwa, okwa simanekwa moshitopolwa shawo, molwaashoka okuna ongushu ndjoka eyiilongela, atseyika ihaanu iikolitha, molwaashoka omuhoko gwawo gwaayelele ogwa palamenwa komashongo gomalovu.
Okwiindile kutya kehe ngoka ena omakwatho goku kwathela pethimbo ndika, oma yambidhidho agehe oga taambiwako. Ngoka ena omayambidhidho, ongele uusila,ongudo nayilwe nakwatathane na Tomas 0813296333 nenge kanzela goshikandjo-hogololo shOmundaungilo Festus Ikanda 0811476171.
Okwindile aagundjuka yalandule moompadhi dha nakusa Hamukanda, ngoka ena ondjokonona tayi hokitha nokwali omukiintu ena oshinge eshiilongela.
