Opuna omukanda yindilo tagupula ekuthepo lyokatendo koku ngambeka ekuthemo lyomategelelo moshilongo.
Omukanda nguka ogwa tamekithwa kongundu yaalumentu naakiintu oshiwike sha ziko moshilando pangelo.
Okatendo ko Namibia Abortion and Sterilization okeetwapo okuza ko South Africa mo 1975, nokuza mpoka eyikutho lyomateegelelo inali pitikwa maakiintu naanona yaa kadhadhona (oshapitikwa ashike uuna puna oshipotha shekwato nkonga, uuna eteegelelo lyanika oshiponga komwenyo gwa meme eli meteegelo nenge komwenyo gokanona nayilwe).
Oonaku tulamo eyindilo ndika oya hala oveta ndjoka yakwata omivo 45 yihulithwepo, noyiitala otashi kandulapo iikumu yokweekelahi uunona.
Oolopota dhokweekelahi oohanona dhomo 2013, okwiitsuwa omalutu gohaanona 40 opo dha pulumuthwa dhimwe inadhaadha, giitsuwa geekelwahi nenge ga pombwa kuundjugo omwedhi kehe; nolopota ndjika tayi yemateke oya yambidhidhwa kolopota yomo 2010 yazi koshikondo sho UNICEF yaholola kutya “omalutu goohanona 13 ohagiitsuwa omwedhi kehe geekelwahi pethimbo lyiilonga yomiligu dhomeya gonyata moshilando pangelo”.
Omiyalu dhazi kopolisi yoshilongo odhuulike kutya mo 2017//18, iipotha ashike 25 yeekelehi lyuunona ya lopotwa, ashike aapotha yili 7 300 yomayikutho gomateegelelo oya lopotwa. Nomwaalu nguka, otashivulika nenge gwalonda sigo opo 10 000 molwaashoka iipotha yimwe inayi lopotwa.
Eekelohi lyuunona olyakala po woo tali ningwa okupitila mokatendo 227 kegameno lyokanona hoka taka zimine ethigopo lyokanonona nomuvali ota tumbalekwa okuthigapo oohanona pomahala ga gamenwa no kapuna ngoka tatseya uukwatya we.
Omukanda nguka ogwa tamekithwa ku Banshee Beauty Boois ngoka mehulilo shiwike amono omashayino 2 729, ngashi ngeyi oya thigalako nomashayino 5 000.
Omukanda nguka otagu falwa kominista yuundjolowele nomayakulo gonkalo nawa Dr Kalumbi Shangula nomutiyali gwe Dr Ester Muinjangue.
Aatulimo yeyindilo otaati, aakiintu aaNamibia oya thigwa yaahena etokolo lilwe nokuya pondje yoveta opo ya longithe uuthemba wehogololo lyawo, ashike oyeli woo moshiponga shoonkalamwenyo dhawo, uundjolowele nonkalo nawa yawo oku kuthamo omateegelelo inaashi pitikwa.
Omathimbo gapiti omutse goshilongo Hage Geingob noominista dhilwe oyapula opo okatendo hoka ka kuthwepo.
Momwedhi November omuvo gwaziko Geingob okwati, esiku limwe oveta nayi pitithwe yoku pitika omakuthomo goma tegeelelo, tati aantu otaakanitha oomwenyo molwaashoka iiningwanima mbika otayeyi longo meholamo. Ongele oshili paveta nenge shaaheli paveta, aantu otaye shiningi.
Mu February 2018, ngoka ali nale ominista yuundjolowele Bernard Haufiku okwa pula kuningwe omahogololo ngoka taga pitika etulu miilonga lyoveta yoshinima shika, ngele otashi popilwa nenge itashi popilwa.
Kuyele pomivo dho 1990, Dr Libertina Amadhila na Dr Nickey Iyambo, pethimbo yali oominista dhuundjolowele, ayehe oyeetapo oonkundathana ndhoka, na Amadhila okweetapo oompata moshigwana dhethaneko lyoveta Draft Abortion and Sterilization Bill mo 1996. Ontotwaveta ndjika oya kwathapo nomathaneko kehe moshipopiwa shika oga kalekwa.
