You have news tips, feel free to contact us via email editor@thevillager.com.na

Elelo alihe lyo Swapo nalize miilonga

Eagle FM etine okwayi moonkundathana na Nahas Angula ngoka ati Swapo okwa totwapo kaathigona, “pethimbo ndyoka olyali lyokaholo.”
Swapo okwa kondjela emanguluko lyoshilongo nomalakano gatatu, uukwawo wanankali melongelo kumwe lyoshigwana, uuthemba womuntu, uuthike pamwe moka eliko lyoshilongo tali topolwa shithike pamwe.
“Ashike ongundu yo Swapo konima yomivo dhapiti oya tameke oku lundulula omalalakano gongundu muuwanawa woshigwana, aantu taa longele ashike oondjato dhawo,” Angula tati.

Okwati ye okuli nota kala oshilyo yongundu yo Swapo ngaaashi yazi petameko lyayo.

“Mboka ya hogololwa mo 2017 ayehe nayaze miilonga molwaashoka ongundu oya longitha uulingilingi, yafuta aantu opo ya gwanithe omawi shoka shili uukengeleledhi,” Angula tatsikile.

“Kombinga yiimbuluma yokulunga nokwiitapula, epangelo olya kala nomilandu. Pethimbo ndali Prime minister opo wo pethimbo oka komisi kokulwitha uulingilingi katotwa, onda lombwelwa komu pelesidente Hifikepunye Pohamba kutya natu konge aantu mboka taa wilike okangundu hoka opo keete puuyelele mboka taya longitha uulingilingi moshilongo,” Angula tati.

Okwa gwedhapo kutya pethimbo lyo 2015 oshikumungu sho Fishrot sho sheetwa puuyelele, inashi monikilapo nziya, tati moshilongo omuna wo iikumungu yilwe ngaashi GIPF nayilwe mboka yakala tayi konaakonwa.

“Ongundu oya shunithwa pevi koombudhi, ookalya-mupombo mboka taya iyambapaleke owala nokayena nomalalakano gwoshigwana. Ongundu to Swapo ngele otayi longitha iimaliwa yoshigwana nena ndyoka ekeengelelo enene,”

Angula okwa dhenge omuthindo kutya ongundu oya kanitha omawi molwa iikumungu yo “fishrot, oohi dhambuta,” odheeta uupyakadhi konima ongundu oya kanitha omawi gamwe momahogololo gomuvo gwaziko.

“Swapo party oyo ondjokonona hokololo yoshilongo, ongundu ndjika uuthigululwa wondjokonona. nongelo omuna etopoko otayi tekapo, shoka tuna oku ninga natu longele kumwe etatu shuna komuthigululwakalo gongundu ngaashi shaza nale,”.

Okwati omalugodhi ngoka taga holoka momutumba gopashigwana itaga popilwa, olugodhi nomatukano kagushi omukalo gokuya komeho nenge ekandulepo lyomukundu.

Wonder Guchu

Related Posts

Read Also ... x