Omulumentu gomivo 25 Martin Indongo okwa holoka oshikando shotango mompangu ya mangestalata gwOndangwa etitato, komeho ga magestalata Ilge Rheent ataalela epangulo lyoshipotha shekwato nkonga.
Oshiningwanima shika osha ningilwa pegumbo lili pomudhingoloko gwOmpitula komukunda Iihandi popepi nOkatope moshitopolwa Oshikoto etitatu lyomasiku 17 06 2020, potundi 15h00 moshanga shomutenya.
Oshika osha kolekwa komanda gopolisi moshitopolwa shOshikoto, Commissioner Armas Shivute.
Otaku hokololwa Indongo akwata koonkondo okanona okakadhona komivo heyali (7), hoka eka thitikinine mokandingosho kayinakulu yokanona pethimbo kaadhika kelimo oko akeke, nokuka ponokela etaka longele omuyonena gopamilalo.
Commissioner Shivute okwati, omufekelwa okwa ningile okanona hoka omatilitho gesso, ngele oka lombwele omuntu kutya okweka kwata koonkondo.
Omufekelwa okwaadhika kuyinakulu yokanona tapata oshikweyo shombulukweya ye, sho agalukile mokandingosho, eta lopotele opolisi oshiningwani nziya, nokwa tulwa miipandeko esiku lyo tuu ndyoka.
Omufekelwa na nakuninga oshihakanwa aashindathana.
Mangestalata Rheent okwa tindi oku gandja obooloha komutamanekwa omolwa uunene woshipotha noma tamaneko gemutaalela, noku ninwe uutile napamwe otakayi moshipala omakonaakona gopolisi, ashike Indongo okwati kena ndjo mwaashoka ta tamanekelwa.
Omutamanekwa okwa tseyithilwa akonge omukalelipo gopaveta gwehogololo lye nenge atulemo eyindilo lya hahende okuza kepangelo.
Indongo okwa kalekwa mokakuma kopolisi noshipotha she oshuundulilwa komeho sigo omomasiku 08 October 2020, omolwa omakoonaakono gopolisi ngoka tagatisikele moshinima.
Ataalela epangulo lyekwato nkonga lyokanona komivo heyali
