Shika osha kolekwa ko Eagle FM etiyali ku Mathew Lungani omupopiliko go Namibian Fishermen United Association tati onkalo yawo oyeetitha ohenda noonkondo, nando yali yapula epangelo liya talelepo ashike omakemo gawo oga hulile kokwena kwathita.
Shika osha landula sho omunista yoohi noonzo dhomomeya omundohotola Albert Kawana ati oteya kongele iilonga nokuya sila oshimpwiyu. Aaniilonga yomomeya otayati omauvaneko ngoka ogeli osima yowala molwaashoka minister okwali uuvaneke okuya ningila oshigongi ashike sigo oompaka inathikako kombaye.
“Otwa pula ominista Kawana etu talelepo ashike kapuna elunduluko, okwati oteya kutse ashike natango ina holoka,ngaashingeyi aantu yetu yamwe ohayazi moongalashe dhomagumbo gaapambele yawo nenge yakwathelwa, yakwetu yalwe yeli yane ohaazi ketoto lyiiyekelwahi molwaashoka kayena omalukalwa, ngame ohezi megumbo moka hefutilwa kaapambele yandje,” Lungameni tati.
Okwa gwedhapo kutya lwahugunina ya popya na minister omuvo gwaziko, oyali wo yemushangele omikanda iikando yaadha pwiitatu, lwahugunina ya shangela minister omomwedhi April nuumvo tayapula eya talelepo ashike natango kemanya kuza onti.
“Nonande ngaashi ngeyi tuli mo lockdown, yakwetu ohandiya talelepo omalupita, mboka yena oongodhidhina dhina oWhatsApp ohatu kwatathana ashike ookuume ketu oyeli monkalo ya nayipala noonkondo,” Lungameni tati.
Lungameni tahokolola kutya ookuume kawo mboka yali ihaayanu iikolitha ngaashi ngeyi ohayanu, notati oyena elago sigo oompaka inaya kanitha omwenyo gomuntu, omathimbo gapiti oya kanitha nale oomwenyo dhayakwawo 25 mboka yali haya longo nayo, noya kanitha oomwenyo dhawo molwa onkalo ya nayipala.
Minister Kawana okweyiindile yiidhidhimike omanga talongekidha okuya talelapo, otati onkalo okuuyuvite molwaashoka iinima tayikwata olule nokuuvite uukwawo wanankali pamwe nayo. Otaya longo nuudhiginini okuya kwathela monkalo yawo moka yeli.
Kawana okwati okwali ena omathaneko gokuya kOmbaye oku tsakanena naawiliki yoofabulika, omahangano omakalelipo gaaniilonga oshowo oofishermen omanga o lockdown inayi thika. Onkalo ndjoka yilipo ngaashingeyi kodoolopa yOmbaye oya dhigupalela oshindji.
Okwa gwedhapo kutya oyeli woo mookundathana nomahangano goohi ngoka gapulwa gatule miilonga ongundu yaantu mboka.
Ongundu yaaniilonga yaaniilonga yomomeya oya kuthwa miilonga mo 2014.
– Helen Andreas from Ondangwa
