More articles in this category
Top Stories

The education ministry has put deduction of funds on hold for teachers that were over paid in overcommitted allowances following interference by t...

Deputy Judge President Hosea Angula postponed the case in which four Omaheke Swapo members want an order to prevent several Omaheke region delegat...

The dream by Zimbabweans to have long-serving 93-year-old- president, Robert Mugabe give up power, has once more eluded them as he has refused to ...

Namibian Police spokesperson deputy commissioner Edwin Kanguatjivi has refuted kidnapping, murder and child trafficking allegations made by an angry...

Under fire Zimbabwean first lady, Grace Mugabe’s whereabouts in Namibia have been kept in hushed tones by top officials while home affairs m...

Swapo presidential candidate Hage Geingob has all the time to fulfil his campaign promises. However, more action is needed to bring tangible re...

Other Articles from The Villager

Oshikandjohogololo shika shimwe shomiikandjohogololo 10 yoshitopolwa shaShana kuumbangalantu waNamibia, nosho oshikandjohogololo oshitiyali shi na aakalimo oyendji sha landula oshikandjohogololo shaNd


by Magnaem Ndeshipanda Mvula


Oshikandjohogololo shika shimwe shomiikandjohogololo 10 yoshitopolwa shaShana kuumbangalantu waNamibia, nosho oshikandjohogololo oshitiyali shi na aakalimo oyendji sha landula oshikandjohogololo shaNdangwa shono shi na aakalimo ye li pomayovi 31. Okaku hono ke na aakalimo ye vulithe pomayovi 29 500,  otake endelele mokuyambuka po ngele tashi ya pokugandja omayakulo gopetameko ngaashi omeya nolusheno.
Oshikandjohogololo shaKaku ehala li li komukunda lela, nongaashi naanaa iitopolwa yilwe mbyono ya li ya dhengwa kefundja lyomumvo gwa yi, nasho osha li sha dhengwa kefundja  nokomvula onene noonkondo  ndjoka ye eta eteyo lya nkundipala moshitopolwa, noondjila dhimwe osho wo oosikola odha li dha pata nokulima inaku enda nawa notashe eta uumbanda momuloka gwonuumvo.
Kansela gwoshikandjohogololo shaKaku Joseph Endjala okwa ti, oya ya komeho mokugandja  omeya ga yela  koosikola odhindji moshikandjohogololo. Sho a totha mo yimwe tayi yambula po oshikandjohogololo, Endjala okwa ti oshigwana oshindji moshikandjohogololo she oshi na omayakulo gopetameko.
Kakele kondjila  yawo ndjono ya pita mOkapya yu uka mOngha, ondjila yopokati kOndangwa nOshikango nayo oya pita moshikandjohogololo Okaku, ondjila yolutenda nayo omo ya pita moshikandjohogololo shaKaku ndjoka kwa talika yi li oshitopolwa shehumokomeho. Ondjila yawo yokapate kookilometa 35 ndjono tayi ithanwa Ongha-Okapya, oya li ya kungululwa po komeya gefundja gomumvo gwa yi shoka sha shi imbi oshigwana oshindji shi thike komahala ngaashi koosikola nokiipangelo.
Omolwefundja ndyono hali dhenge oshikandjohogololo shaKaku noonkondo, Kansela Endjala okwa holola kutya otaya pumbwa ondjila ya pita momukunda Okankete yu uka mOkaku, tayi piti mOndombe yaNiindongo yu uka mOnamutayi. Kakele koondjila, moshikandjohogololo shaKaku otamu pumbwa natango oontopa ngaashi pUuthiya nokuya pongeleka, opo oshigwana shi vule okupita pethimbo lyomvula. Kansela ta holola kutya,  uupate moshikandjohogololo owa thinana, nomakwatho gepangelo otage ende kashona okutunga oontopa moshikandjohogololo.
Ongoshitopolwa shokunawapaleka onkalo yoondjila, okapate kOngha nOkapya oka longwa noka yelekanithwa nawa, noya hala okutunga oontopa pomataagulukilo agehe goondjila opo omeya ga vule okukunguluka nawa, yo aanona ya vule okuthika koosikola, noohandimwe ya vule okuya komahala ga yoolokathana pethimbo lyomvula ndjoka ya tameka nale ngaashi koositola, koongeleka  nosho tuu.
Onkambadhala yilwe taye eta ehumokomeho moshikandjohogololo shaKaku, okunawapaleka eyinyengo lyaantu ndjoka hali mwena po pethimbo lyomvula. Oya thaneka oku ka tunga ondjila ya za momukunda Onamutayi mOngwediva yu uka mOkaku tayi pitile mOniipa moshitopolwa Oshikoto.
Endjala okwa ti opwa ningwa omalongekidho okutunga oontopa poosikola dhimwe sho pethimbo lyefundja aantu 4 ya kanitha oomwenyo dhawo ya si omeya, omanga omagumbo ge li 17 aakalimo ya tembudhwa mo molwaasho ge li kohi yomeya.
Kombinga yolusheno, Kansela Endjala okwa ti oongeshefa nomandiki galwe gokungeshefa oga pewa olusheno, noosikola dhi li 12 dhomoosikola 16 odhi na olusheno. Oosikola  dhilwe ngaashi Ediva, Kanyolo naAnkambo inadhi pewa olusheno natango. Omikunda  dha zimininwa okupewa olusheno ongaashi Okankete nEengolo.
Omeya ga yela oshinima sha simana monkalamwenyo yaantu niimuna wo.  Moshikandjohogololo Okaku otamu monika uupomba ngaashi kopOmpunda-Okamumu, Amaala-Onakamwandi, Onalugwali, Eloolo, Ondjandjo, Ondingandinga, Oshikondiilongo osho wo Okatha-kEkola.
Omakwatathano gopayengodhi nago ogi indjipala moshikandjohogololo sho omumvo gwa zi ko pwa tulwa etenda lyomakwatathano gopayengodhi puAyiyandja, nokwa tegelelwa pu ka dhikwe etenda ekwawo puKapiye pOshikondiilongo osho wo etenda ekwawo pOkapya.
Opo aakulupe ya vule okumona oshikwiila shawo nuupu, momahala gawo gokukwatelwa openzela omwa gwedhelwa omahala omape ngaashi posenda tayi ithanwa Onawa yaShikongo nOshoongela moshikandjohogololo shaKaku.
Molwaasho uuyogoki owo oshitsa shopombanda nosha simana noonkondo, papoprograma yepangelo yokuholola po oompito dhiilonga nokuyambula po omahupilo meukililo nomwaaheshi meukililo, tayi fupipikwa TEEPEG okwa tegelelwa moshikandjohogololo shaKaku mu ka tungwe uundjugo wu li 223, tawu ka tungilwa aakulupe naamboka taye wu pumbwa, mumwe nokuli owa tameka nale okutungwa.
Sho oothigwa tadhi indjipala moshigwana shetu molwomatompelo ga yooloka tashe etithwa ko HIV/Aids, kiiponga yomoondjila nokomaso gopaunshitwe, pombelewa yaKansela pOkaku otapwa adhika ombelewa yomayakulo guukashike-kookantu nonkalonawa yaanona, okushanga oothigwa nokuyapa omakwatho taga pumbiwa. Omakwatho ngaka ohaga pewa natango aanona mboka ye li moluhepo.
Kombinga yomayakulo goothigwa moshikandjohogololo shaKaku, Kansela okwa ti ohapu holoka omashongo ngaashi gomikanda inaadhi gwana opo oothigwa dhi vule okupewa omakwatho, osho woo oohe yuunona kaaye shiwike mpoka ye li. Kansela Endjala ta pula oshigwana oshigundjuka shi ihumbate nawa, sho shi yande okuya momilalo dhokuyele ku yandwe omaupyakadhi ngoka tage eta oluhepo moshilongo.
Moshikandjohogololo shaKaku otamwa adhika ooprojeka dhehumokomeho ngaashi yokutekula  iikungulu, yokutekula oondjuhwa osho wo ooprojeka dhiikunino(dhiimeno).
Kansela gwoshikandjohogololo ngono a tameke okuwilika oshikandjohogololo shaKaku konima yomahogololo gomalelo giikandjo niitopolwa gomumvo 2010,  sho a tameke iilonga ye mbyono muJanuali gwomumvo gwa yi, konima sho a kala omukuluntu gwendiki lyomadheulo gopaungomba lyoCosdec mOndangwa, okwa pula elongelokumwe moshigwana na unene maaleli yopamuthigululwakalo, opo oshikandjohogololo shi vule okuhuma komeho.
Okwa pula natango mboka inaaya mona iitsa ya gwana mondondo onti-10 osho wo onti-12, ya kale aluhe popepi nombelewa yaKansela, ya pulakene koompito ndhoka tadhi monika po ongele odhiilonga meukililo nenge odhomakwatho gokweeta po ooprojeka yi iyetele po iiyemo kuyo yene.
Endjala, okwa landula omusimanekwa Henock yaKasita ngono a li nale kansela gwoshikandjohohololo shaKaku, nokwe mu pandula sho a eta po etameko ewanawa hoka ta tsikile nokuyambula po oshigwana.