More articles in this category
Top Stories

The government of Namibia has learned with deep horror and revulsion, of the wanton killing of United Nations peacekeepers of the Tanzanian contin...

Analysts who spoke to The Villager this week said Government should learn from the losses in 2017 with the collapse of the SME Bank which put at l...

Financial year 2017 is poised to end on a bad note with massive unemployment, a heavily indebted government, high interest rates and a failure to ...

The construction of City of Windhoek’s (CoW) solid waste management facility has been completed to the tune of N$70 million and will be comm...

I like to describe President Hage Geingob as a modern leader, a leader who understands how the modern world works and where it is going to.  ...

Administrative affairs are expected to return to normal at the Ministry of Health and Social Service after its Permanent Secretary Dr Andreas Mwoo...

Other Articles from The Villager

Brandweerstasie en nuwe Lughawe vir Walvisbaai


by Natalie Danielle


 

DIE nuwe brandweerstasie by die Walvisbaai Lughawe is laas Woensdag met swier en styl ingehuldig. Die Minister van Vervoer, mnr Errkki Nghimtina, Voorsitter van die Namibia Airport Company (NAC) Raad, Me Ndeuhala Katonyala, Waarnemende Hoof Uitvoerende Beampte van die NAC, me Toska Sem, Hoof Uitvoerende Beampte van Namport, mnr Bisey Uirab, beide die burgermeesters van Swakopmund en Walvisbaai en ander hooggeplaastes in die Regering en die gemeenskap, het die  geleentheid bygewoon.
In haar verwelkomingsrede het Toska Sem, wat ‘n ekonoom van beroep is, gesê dat die nuwe brandweerstasie ‘n langverwagte ideaal is. Sy het beklemtoon dat ‘voldoening aan die vereistes rakende veiligheid’ ‘n sleutelfaktor was toe daar besluit is om met die projek te begin.
Die nuwe brandweerstasie is reeds ten volle operasioneel en gaan in die toekoms ook ‘n groot rol speel in die skep van werksgeleenthede vir die Erongo streek se jeug.
In die hoof toespraak gelewer deur Minister van Vervoer, mnr Errkki Nghimtina, het hy gesê dat graad 12 leerlinge nou toegang het tot Natalie Danielle opleidingsgeleenthede in die brandweer industrie.
Die minister het voorts gesê dat die inhuldiging van die brandweerstasie ‘n ‘geskiedkundige gebeurtenis’ is omdat dit daargestel is om lewens en eiendom veilig te hou in en rondom die lughawe.
“n Kapitale belegging van bykans N$8,9m is gedoen om die moderne fasiliteit op te rig en die werwingsproses, eksklusief vir jong mans en dames om ‘n 6-maande fisiese opleidingsprogram te ondergaan, is reeds aan die gang. Dié opleiding sluit Basiese Lewens Ondersteuning en Brandbestryding in. Hierdie opleiding gaan toesien dat veiligheid van eiendom en lewens binne ‘n 10-kilometer radius van die lughawe, verseker is.”
Nghimtina het ook bygevoeg dat die Walvisbaai Lughawe ideaal geleë is vir lugvrag logistieke behoeftes.
“Walvisbaai gaan binnekort beslis die ‘spilpunt’ van internasionale handel wees met Namport wat ook ideaal geposisioneer is.“Daar is uitmuntende geleenthede vir die bevordering van toerisme en om daardie rede moet ons pro-aktief optree sodat ons veral in areas soos  uitstekende kliëntedienslewering, kan uitstyg.”
Die Lughawe Bestuurder, mnr Dirk Booysen het beklemtoon , die huidige fasiliteite opgradeer moet word in n poging om groter vliegtuie te akkommodeer sowel om om aan internasionale standaarde te voeldoen.
 Die nuwe, moderne lughawe kompleks gaan maksimum spasie weerspieël, energie-doeltreffend wees met verdampingsverkoelers en sterk visuele taal gaan gebruik word om die korporatiewe beeld van die NAC te bevorder.
Wat die brandweerstasie betref het Booysen gesê dat die gebou hoogs effektief is wat vinnige reaksie en ‘n hoë gehalte van bevoegdheid op alle vlakke in tye van rampe, ten doel het.  Hy het ook gesê dat die Uitkyktoring ‘n 360 grade uitsig verleen in die lug en op die hoof vlak-area wat die lughawe omring.  
Die nuwe lughawe gaan ongeveer N$67m  kos en die kontrakperiode het reeds begin en gaan op 30 September 2013 verstryk. Daar word ook gekyk na ‘n tweede fase waar die fokus gaan wees om internasionale vlugte  vanaf binnelandse vlugte te skei. Die projek is gesamentlik deur die NAC en die Regering befonds.