More articles in this category
Top Stories

Mourners testified that the late Theo-Ben Gurirab was a nationalist committed to the development of the rest of Namibia and not his hometown of Us...

The Roads Authority of Namibia exhausted a total of N$3 345 877 567 (99%) from the allocated budget of N$3 389 205.000 on program and capital deve...

The Prime Minister, Saara Kuugongelwa-Amadhila, has appointed Ben Nangombe as the permanent secretary for the ministry of health, effective 1 Augu...

A 34-year-old Namibian male accused of defrauding Standard Bank of N$4 million during the time when he worked in its Trust Account Division in Win...

As the country continues to reel from an orgy of murders and violence against women, two men from Mariental appeared separately in the Windhoek Hi...

Namibian Police (NamPol) services were rated poorly by the Office of the Prime Minister, chief of police Inspector General Sebastian Ndeitunga sai...

Other Articles from The Villager

Oshinakugwanithwa shaalongiskola okuputudha aanona ku tsakanithwe ondungethaneko yomumvo 2030


by Magnaem N. Mvula


Molwaasho elongo elongo oshinima sha simana monkalamwenyo yomuntu kehe noli na okusimanekwa nokuhumithwa komeho, oshigwana ashihe otashi indilwa shi hangene oonkambadhal dhUUministili wElongo opo elongo li ye komeho. Ethaneko lyepangelo lyaNamibia oondyono kutya , ando sho taku ka thikwa komumvo 2030, okanona kehe oka tegelelwa ka kale ke shi okulongitha okompiuta, interneta nomakwatathano gopaungomba agehe.

Elongo lyomunona oli na okutamekelwa po omanga  omunona omushona lela, opo sho ta ka ya poondondo dhopombanda, nena otashi mu pupaleke opo i ilonge nawa. Aavali nayo otaya pulwa ya dhane onkandangala onene melongo lyaanona yawo moku ya longekidhila iikulya ya ye ya lya sha kosikola, molwaasho ngele omunona okwa sa ondjala, nena mongulu yosikola ita eta mo sha notashi kala oshidhigu kuye okundhindhilika nawa shoka ta longwa mosikola.

Aalongiskola oya talika oyo aavali naaputudhi yaanona, molwaasho oyo haya kala naanona ethimbo ele kosikola noye shi omayihumbato gawo nawa. Moshipopiwa she sho a popitha oshigongi  shaalongiskola shokomumvo moshikandjolongo shaMuthiya moshitopolwa shaShikoto posekundosikola Ekulo  oshiwike sha zi ko, Omupeviministeli gwElongo omundohotola David Namwandi okwa pandula sho taku longekidhwa iigongi yoludhi ndoka tayi eta pamwe aalongiskola ya vule okundungikathana nokupaathana omayele miinima ya pamba elongo moNamibia.

Namwandi okwa ti ekuthombinga lyaalongiskola moshigongi otali mbilipaleke Uuministili wElongo opo elalakano lyokuhumitha komeho elongo li tsakanithwe. Okwa dhimbulukitha aalongiskola kutya oshilonga shokuputudha aanona kashi shi oshipu notashi pumbwa  etsomukumo, eyidhidhimiko neyitulomo osho wo okulonga nuudhiginini.

Sho pethimbo ndino aanona yondondo onti-10 osho wo yondondo onti- 12 yi ipyakidhila nomakonakono gawo gopehulilo lyomumvo, omalelonongelo goosikola odhindji  dhokomikunda ogu unganeke aanona ya lale poosikola, opo yi ilonge nawa, ya pukululathane nokupukululwa kaalongi mpoka kayu uvite ko. Aavali otayu ulike yi itula mo melongo. Shaashi oyi iyamba ya ka tonatele aanona poosikola noku ya telekela sho tayi ilongekidhile omakonakono gawo. Ndhika dhimwe  dhomoonkambadhala dhokukwathela aanona ya mone  iizemo iiwanawa pehulilo lyomumvo.

Omupeviministeli gwElongo okwa lombwele aalongiskola poshigongi shaalongi shokomumvo ta ti  aalongiskola oyo oongudhi dhOshikondo shElongo. Okwa tsikile ta ti ongushu yelongo  oyi ikwatelela kongushu yaalongi nokomayihumbato gawo omawanawa moshikondo shelongo. Okwa lombwele aalongisikola ta ti otaya dhana onkandangala ya simana mokugandja elongo lyongushu moshigwana. Okwa ti nonando epangelo oli tule po omilandu dhingi, niilongitho yelongo kamana, po pwaahe na  aalongi ya longeka noye na ehalo okulonga aanona,  itashi kwathele sha.  Omundohotola Namwandi okwa ti Namibia okwa pumbwa  aalongi yi itula mo melongo notaya longo aanona nawaOkwa ti wo aalongi aawanawa oyo mboka  ye na omukumo pambepo, pankalathano nopamuthigululwakalo.

Okwa indile wo aalongi ya kale aluhe  neyinekelo moshilonga shawo, ya zale shili ohokwe neyitaalo muyo yene yo kaaya sholole. Okwe yi indile natango ya pulakene aalongwa   nokuuva ko omaunkundi gawo, molwaasho ethimbo limwe aanona ohaya kala ya yuulukwa komagumbo unene mbono ye li momihandjo. Okwa ti aalongwa ohaya kala  ya pongola, ye na uumbanda  nohaya gwililwa po komaso nokuuvu waanegumbo lyawo. Namwandi okwi indile aalongi ya holole aluhe olukeno noku ya pa eyambidhidho mpoka tashi pumbiwa.

Okwa ti meyilongekidhilo lyawo lyiilongadhalwa yosikola, aalongiskola inaya  tala unene kwaashoka taya ka longa, ndee naya tse omuthindo kwaashoka ya hala aanona yi ilonge, nokwe ya tsu omukumo ya longekidhe iilongwa yawo noku yi gandja momukalo ngoka tagu uvikiwa ko nuupu kaanona notaa vulu okundhindhilika iilongwa nawa. Okwe ya indile ya longithe omikalo ndhoka hadhi longithwa pondje yosikola opo aalongwa landule nawa naashika otashi yambula po elongo moshilongo.

Pehulilo lyoshipopiwa she moshigongi shokomumvo shaalongiskola, shono sha gongala kohi yoshipalanyolo “Okugongala pamwe okwo etameko, nokulongela kumwe otakwe eta eyokomeho  nesindano” Namwandi okwa pula aakuthimbinga ayehe melongo, omahangano gopaumwene nogepangelo gu uve ko kutya elongo oli li oshinakugwanithwa shopamuhanga noinashi thigilwa momake gepangelo alike, ndee otashi pumbwa  ekuthombinga lyomuntu kehe.

Omupeviministeli gwElongo, okwa gwedha po kutya ekuthombinga melongo nali ningwe  pamikalo dha yoolokathana ngaashi okugandja iikwathitholongo tayi pumbiwa moosikola, omambo nenge okutunga oonguluskola ndhoka inaadhi gwana poosikola dhimwe, opo oosikola dhi kale omandiki omawanawa gokugandja uunongo kaalongwa naalongwa ya vule okwiilonga momudhingoloko tagu hokitha.